Frábær þáttur um Vinstri græn í sjónvarpi

Sjónvarpið sýndi í kvöld kynningarþátt um Vinstrihreyfinguna - grænt framboð.  Þar kynna Steingrímur J. Sigfússon, Katrín Jakobsdóttir, Benedikt Davíðsson og Guðfríður Lilja Grétarsdóttir helstu baráttumál flokksins.

Þátturinn var sérstaklega líflegur og skemmtilegur og var ólíku saman að jafna þegar myndband Sjálfstæðisflokksins kom í kjölfarið, sem reyndist þá vera mánudagsviðtal við Geir Haarde.

Kynningarþáttinn um VG má sjá hér.

Athugasemdir

[Jenný Anna Baldursdóttir, 8.5.2007 kl. 11:41]

Munurinn á þessum tveim flokkum myndgerðist í þáttunum.  Þetta var rússnesk þáttagerð hjá Sjöllunum.  VG-þátturinn svo hlýr og skemmtiegur.  Baráttukveðjur!

[Einar Þ. Eyjólfsson, 8.5.2007 kl. 12:27]

Ja hérna, Kommarnir farnir að saka kapítalistana um rússneskaþáttagerð ;) Línan milli hægri og vinstri greinilega farin að þynnast.  

Er hins vegar sammála um að þátturinn með Vinstri-Grænum var skemmtilegri. Katrín J. búinn að vera skemmtileg og málefnaleg í þessari kosningabaráttu. Hins vegar þegar kemur að málefnum og hugmyndafræði hefur D-listi betur.  

[Jóhannes Ragnarsson, 8.5.2007 kl. 12:31]

Eftir orðum þínum að dæma, Árni minn Þór, bendir allt til þess að við höfum ekki verið að horfa á sama þáttinn. Eða er hér á ferðinni enn ein útgáfan af sögunni um nýju fötin keisarans?

Kynningaþátturinn um VG, sem ég sá, var eiginlega þess eðlis að maður fór hjá sér: Villi naglbítur að taka viðtal við fjóra einstaklinga, kinkandi kolli svo ótt og títt að minnti á spætu að höggva í trjástofn. Og væmnin og tilgerðin, drottinn minn dýri! En þetta var svosem það sem við mátti búast. Það sem raunverulega kom mér mest á óvart við þennan þátt var, að ég var ósjálfrátt farinn að vorkenna VG um það er lauk.  

[Sveinn Valdimar Ólafsson, 8.5.2007 kl. 15:45]

 

Þátturinn var fín kynning á VG - svona raunveruleikaþáttur.  Ártalið 1978 kom oft upp í hugann bæði hvað varðar allt útlit og umgjörð auk þess sem Alþýðubandalagið er með svipað fylgi nú og þá.  Ég var mikið að velta fyrir mér að kjósa nú VG svona einu sinni en þá kom kynningin á D-listanum sem var greinilega frá árinu 2007, féll kylliflatur fyrir þessum blessaða nútíma.

Kær Sjálfstæðiskveðja

Muna  X-D 12. maí

Sveinn