Bakdyramegin inn í Stjórnarráðið?

ÞAÐ hefur vakið athygli mína og margra annarra að ýmis ráðuneyti hafa að undanförnu breytt skipulagi sínu á þann veg að sett hafa verið á laggirnar sérstök "svið" sem eins konar millistig milli ráðuneytisstjóra og skrifstofustjóra. Ég velti því fyrir mér hvort hér sé verið að fara einhverja bakdyraleið inn í Stjórnarráðið með ný störf og kostnaðarauka.

Af þessum sökum hef ég lagt fram á Alþingi fyrirspurn til forsætisráðherra um skipulagsbreytingar innan Stjórnarráðsins og eru spurningarnar eftirfarandi: 

1.      Hversu mörg svið hafa verið sett á stofn í einstökum ráðuneytum undanfarin fimm ár?
2.      Í hve mörgum tilfellum hafa ný svið verið viðbót í innra skipulagi ráðuneytanna og í hve mörgum tilfellum hafa skrifstofur verið lagðar niður í staðinn?
3.      Á grundvelli hvaða lagaheimilda hafa svið ráðuneytanna verið sett á stofn og sviðsstjórar skipaðir?
4.      Eru sviðsstjórar að mati ráðherra embættismenn í skilningi laga um réttindi og skyldur starfsmanna ríkisins?
5.      Hver er kostnaður ríkissjóðs vegna framangreindra skipulagsbreytinga undanfarin fimm ár

Ég hef beðið um skriflegt svar við fyrirspurninni og verður fróðlegt að sjá hvað þar verður reitt fram.

Athugasemdir

[Þorsteinn Valur Baldvinsson, 27.2.2008 kl. 08:49]

Gott að eftirliti sé sinnt, menn verða stundum útgjaldaglaðir á vitlausum stöðum

[corvus corax, 27.2.2008 kl. 12:14]

Sjálfgræðgisflokkurinn hefur að sjálfsögðu þurft að koma sínum tilberum að í embættismannakerfinu því þetta eru jú stórar og þurftafrekar ættir...

[Árni Gunnarsson, 27.2.2008 kl. 12:59]

...þetta eru jú stórar og þurftafrekar ættir!

Frábært.

En í því stóra samhengi fagna ég smningi um að skila til baka hluta af hagnaði eins og þegar ferjan Baldur var gefinn.

Ég næstum klökknaði.