Vinstri græn enn á uppleið - skv. Mannlífi

Tímaritið Mannlíf er nýkomið út og þar er greint frá niðurstöðum skoðanakönnunar um fylgi flokka.  Rúmlega 4000 manns voru spurðir, en það gerir þessa könnun eina þá viðamestu hérlendis.  Um 25% eru óákveðnir skv. könnuninni sem er heldur minna en í síðustu könnunum t.d. Blaðsins og Fréttablaðsins.

Niðurstöður könnunarinnar sýna að Vinstri græn eru enn á uppleið, fá 22% atkvæða, Sjálfstæðisflokkur er með 35%, Samfylkingin 23%, Framsóknarflokkur og Frjálslyndir fá 10% hvor flokkur.

Þetta eru vissulega uppörvandi tölur fyrir okkur Vinstri græn og sýna að störf okkar og stefna nýtur trausts meðal þjóðarinnar.  Hinu má ekki gleyma að það eru enn 3 mánuðir til kosninga og mikið vatn á eftir að renna til sjávar á þeim tíma.  Við verðum því að halda vöku okkar og slaka hvergi á, halda áfram einarðri baráttu okkar fyrir umhverfi, jafnrétti og velferð og með áframhaldandi málefnalegu starfi munum við áreiðanlega uppskera góðan sigur í vor.

Fylgi nú                  Fylgi í des.             Kosn. 2003

 Sjálfstæðisflokkur                               35%                        33%                        34%

Samfylking                                           23%                        24%                        31%

Vinstri græn                                           22%                        21%                        9%

Framsóknarflokkur                             10%                        10%                        18%

Frjálslyndi flokkurinn                         10%                        11%                        7%

 

Heimild:  Tímaritið Mannlíf, 2. tbl. 24. árg.

Athugasemdir

[Níels A. Ársælsson., 9.2.2007 kl. 14:02]

Þetta er glæsilegt. Ríkistjórnin er fallin. En getur þú sagt mér hver er stefna VG í sjávarútvegsmálum ?

[Svavar Friðriksson (IP-tala skráð) 9.2.2007 kl. 16:27]

Verður gaman að vita hvað gerist hjá "græna" fylginu þegar Ómar og félagar stofna sitt bandalag.