Hver gætir íslenskra fanga í útlöndum?

Af og til koma fram í fjölmiðlum upplýsingar um Íslendinga sem sitja í fangelsum erlendis.  Víða um lönd er aðbúnaður fanga skelfilegur.  Burtséð frá því hvaða ástæður liggja að baki því að einstaklingar lenda í fangelsum er mikilvægt að berjast fyrir sómasamlegum aðbúnaði og réttlátri málsmeðferð.  Það er grundvöllur réttarríkisins og lýðræðissamfélags.

Að gefnu tilefni hef ég lagt fram á Alþingi fyrirspurn til utanríkisráðherra um málefni íslenskra fanga erlendis.  Fyrirspurnin er þannig:

    1.      Hversu margir Íslendingar eru í fangelsum erlendis? Svar óskast sundurliðað eftir löndum, lengd fangelsisdvalar og aldursbili fanga (yngri en 20 ára, 20–29 ára, 30–39 ára o.s.frv.).

    2.      Hver er aðbúnaður íslenskra fanga í erlendum fangelsum? Svar óskast sundurliðað eftir fangelsum.

    3.      Með hvaða hætti gæta íslensk stjórnvöld hagsmuna íslenskra fanga erlendis?

    4.      Vinna íslensk stjórnvöld að því að íslenskir fangar erlendis geti fengið að afplána dóma sína hér á landi? Liggja fyrir óskir um slíkt frá einstökum föngum?

Skriflegt svar óskast.
 

 Vonast ég til að fá svar ráðherra innan 2ja vikna.

Athugasemdir

[Púkinn, 23.11.2008 kl. 20:05]

Og þér finnst þetta einmitt akkúrat að vera efni sem ráðherrar eiga að vera að eltast við þessa dagana?

Hvernig væri að koma í staðinn með einhverjar fyrirspurnir um eitthvað sem meirihluta þjóðarinnar finnst skipta máli?

[Rafn Haraldur Sigurðsson (IP-tala skráð) 23.11.2008 kl. 20:22]

Ég held þú hljótir að vera að grínast.

[Heimir Hannesson, 24.11.2008 kl. 10:09]

Þetta er mál fyrir utanríkisþjónustuna.

Ef það er eitthvað eftir af henni eftir Ingibjörgu og vælið í ykkur VG mönnum!

[Óskar Arnórsson, 24.11.2008 kl. 12:45]

Tími til komin að einhver taki í þessi mál. Það virðast vera hérna fólk sem aðhyllist pyntingar á íslenskum föngum. Þeir eru alla vega pyntaðir á Íslandi án þess að nokkuð sé að gert....og flestu fólki er í skítsama.

Mjög góð tillaga og kannsi ég kjósi bara VG bara út á þetta.

Náði einum íslenskum fana úr fangelsi í Asíu og það var fyrir tilverknað foreldra stráksins enn ekki ráðuneytis né íslenska konsúlssins. Varð að múta dómara og einum lögreglustjóra til að fá hann út.

Mér var boðið að vera viðstaddur hengingu, enn afþakkaði. Ég held að það mætti fara taka bómullinn undan rassgatinu á æði mörgum íslendingum sýnist mér á þessum kommentum hér að ofan.

Amerískur forstjóri er búin að bjóðast til að stjórna Íslandi í kaffitímanu sínum. Meiri tíma þarf ekki fyrir svona lítið land og það dugar einn maður sem kann...til að stjórna öllu.