Svein Harald - nýr Seðlabankastjóri

Jóhanna Sigurðardóttir forsætisráðherra hefur sett nýjan Seðlabankastjóra til bráðabirgða.  Fyrir valinu varð Svein Harald Øygard hagfræðingur.

Svein Harald lauk prófi í þjóðhagfræði frá Háskólanum í Osló og vorum við samtíða við nám í hagfræðideildinni þar.  Þar var einnig Jens Stoltenberg núverandi forsætisráðherra Noregs og þeir Svein Harald urðu nánir samstarfsmenn í ríkisstjórn Verkamannaflokksins undir forystu Gro Harlem Brundland árið 1990 þegar Stoltenberg varð aðstoðarumhverfisráðherra og Nygard varð aðstoðarfjármálaráðherra. 

Øygard hefur mikla og víðtæka reynslu af efnahags- og peningamálum, bæði í stjórnkerfinu í Noregi og eins sem sjálfstæður ráðgjafi víða um heim.  Valið á Svein Harald er tvímælalaust mjög traust.

Nýr seðlabankastjóri settur

Athugasemdir

[Sveinn Ingi Lýðsson, 27.2.2009 kl. 16:14]

Eyðigarður bankastjóri. 

Bóndinn í Svörtuloftum er fluttur.  Svörtuloft í eyði. 

Er þetta ekki við hæfi, Eyðgarður á eyðibýli?

[Árni Þór Sigurðsson, 28.2.2009 kl. 19:37]

Það er frekar Eyjargarður.

[Árni Þór Sigurðsson, 28.2.2009 kl. 19:40]

Þetta stjórnarskrárákvæði á við um skipun í embætti en ekki setningu um stundarsakir.  Við erum ágætlega upplýst um þetta atriði og það var reyndar athugað sérstaklega áður en ákveðið var að setja erlendan mann í starfið til bráðabirgða.