Verðskuldaður heiður

Ragnar Bjarnason söngvari var í dag útnefndur borgarlistamaður Reykjavíkur árið 2007.  Ragnar er vel að þessum heiðri kominn, hann hefur í meira en hálfa öld glatt unga sem aldna með list sinni.

Ég er stoltur af því að hafa tekið þátt í ákvörðuninni um borgarlistamann sem fulltrúi í menningar- og ferðamálaráði Reykjavíkur, en ráðið ákveður hver verður fyrir valinu ár hvert.  Ekki voru allir fulltrúar í ráðinu á sama máli en það er önnur saga.  Ég óska Ragnari til hamingju með útnefninguna.

Raggi Bjarna er borgarlistamaður Reykjavíkur 2007

Athugasemdir

[Ásgeir Rúnar Helgason, 17.6.2007 kl. 19:41]

Flott hjá þér Árni!

[Sigurður Þór Guðjónsson, 18.6.2007 kl. 00:15]

Um hvað voru þeir ósammála? Það væri fróðegt að vita.

[Árni Þór Sigurðsson, 18.6.2007 kl. 08:29]

Tja, veit ekki alveg, en fulltrúar Samfylkingarinnar völdu að sitja hjá við atkvæðagreiðsluna.

[Bjarni Kjartansson, 18.6.2007 kl. 11:39]

Mæltu manna heilastur.

Svo er í raun mikilvert, að viðhalda nafni okkar ´stsæla tónskáldi, sem samdi mörg ógleymanleg lög um Miðborgina mína.

Hann Fúsi minn Halldórs strauk Gígjuna svo að seint mun gleymast.

Lög á borð við  ,,Við Vatnsmýrina" eru klár meistarastykki.

Ekki svo að skilja, að við væarum að stela bæjarlistamanni af Kópavogsbúum, þó svo við reistum svo sem eina hörpu við Vatnsmúrina til minningar um Miðborgartónskáldið okkar.

Annars var ekki við öðru að búast af þér en að þú fylgdir sannfæringu þinni, hvort sem meiri eða minnihluti leggur fram málin.

Hafðu hugheilar þakkir fyrir sanna framkomu í alflestum málum, sem á þittt borð lendir.

 Kveðjur

Miðbæjaríhaldið